Мадриднинг «Реал» клуби ёзда бельгиялик ярим ҳимоячи Эден Азардан қутулолмаслиги мумкин.
Маrcа нашри инсайдери Марио Кортегананинг хабарига кўра, Азар «Реал»да қолиб, 2024 йилнинг ёзига қадар тузилган шартномасини охиригача клубда ўйнамоқчи.
Манбага кўра, «қироллик клуби» унинг кетишини истамоқда, бироқ унинг трансфери борасида ҳалигача таклифлар йўқ.
Айтишларича, Азар ҳам, унинг оиласи ҳам Мадридда бахтиёр ва у имкониятдан унумли фойдаланиб, машғулотларга ҳар қачонгидан ҳам кўпроқ ишламоқчи.