Москванинг ЦСКА клуби сафида ҳаракат қилган япониялик 25 ёшли яримҳимоячи Кейсуке Хонда Рим клуби билан уч йиллик шартнома имзолади.
Life Sports тарқатган хабарларга кўра, ЦСКА ва "Лацио" орасида бўлажак битимни арзимаган деталларини расмийлаштириш қолган. Хонданинг ўзига тўхталадиган бўлсак, ҳали у итальян клуби билан шахсий шартнома ҳам тузиши керак, бу иш билан унинг агенти шуғулланмоқда. Япония терма жамоасининг футболчиси учун армиячилар 18 миллион евро олишади.
Эслатиб ўтамиз, ёзги трансфер дарчаси очиқлигида "Лацио" вакиллари Москвага келиб ЦСКА билан музокаралар ўтказишган, томонлар бир тўхтамга ҳам келишган эди, бироқ сўнгги дақиқаларда трансфер бузилган эди.
ЦСКА таркибида Кейсуке Хонда 71 учрашувда майдонга тушиб, 13 та гол киритган. Хонданинг шартномаси 2013 йилда ниҳояланар эди.
