«Аякс» футболчиси Нуссер Мазрауи «Бавария»нинг ўнг қанот ҳимояси учун асосий номзод ҳисобланади. Бу ҳақда журналист Кристиан Фальк ўзининг ижтимоий тармоқлардаги саҳифасида маълум қилди.
Манбага кўра, 24 ёшли марокашлик футболчини қўлга киритиш мақсадида мюнхенликлар бош мураббийи Юлиан Нагелсманн футболчига қўнғироқ қилган.
Эслатиб ўтамиз, аввалроқ Мазрауига «Барселона»дан қизиқиш бўлаётгани ҳақида хабарлар тарқалган эди. Ҳимоячининг шартномаси шу ёзда якунига етади.
Жорий мавсумда футболчи «Аякс» сафида 31 та ўйин ўтказиб, 5 та гол ва 4 та голли узатмани амалга оширди.
