«Ayaks» futbolchisi Nusser Mazraui «Bavariya»ning o‘ng qanot himoyasi uchun asosiy nomzod hisoblanadi. Bu haqda jurnalist Kristian Falk o‘zining ijtimoiy tarmoqlardagi sahifasida ma’lum qildi.

Manbaga ko‘ra, 24 yoshli marokashlik futbolchini qo‘lga kiritish maqsadida myunxenliklar bosh murabbiyi Yulian Nagelsmann futbolchiga qo‘ng‘iroq qilgan.

Eslatib o‘tamiz, avvalroq Mazrauiga «Barselona»dan qiziqish bo‘layotgani haqida xabarlar tarqalgan edi. Himoyachining shartnomasi shu yozda yakuniga yetadi.

Joriy mavsumda futbolchi «Ayaks» safida 31 ta o‘yin o‘tkazib, 5 ta gol va 4 ta golli uzatmani amalga oshirdi.