"Рома" бош мураббийи Жозе Моуриньо жамоа ярим ҳимоясининг ҳозирги ҳолатидан норози, дея хабар беради Calciomercato.
Манбага кўра, португалиялик мутахассис римликларнинг ўрта чизиғида қайта қуришни режалаштирмоқда. Клубдаги ўрни шубҳали бўлмаган ягона ярим ҳимоячи бу - Лоренцо Пеллегрини.
Шунингдек, Жордан Верету "Рома"нинг келажакдаги режаларига киритилмаган. "Порту"дан ижарага олинган Серхио Оливейрани ҳам сотиб олиниши даргумон. Бриан Кристанте 20 миллион еврога бошқа клубга сотилиши мумкин ва Генрих Мхитарян билан шартнома узайтирилмаслиги кутилмоқда.
Жорий мавсумда "бўрилар" А Серияда 30-турдан кейин олтинчи ўринда бормоқда. “Рома” ҳисобида 51 очко бор.
