"Барселона" футболчиси Педри жамоанинг собиқ бош мураббийи Роналд Куман ҳақида гапирди.
Футболчи нидерландиялик мураббийни қўллаб-қувватлашини ва билдирган ишончи учун миннатдор эканлигини билдирди. Роналд Куман ушбу мавсумда "Барселона"ни тарк этди.
“Мен ундан кўп қарздорман, чунки у биринчи дақиқаларданоқ менга ишонди. Мен ундан жуда миннатдорман. Бизда яхши жамоа бор эди, лекин нимадир нотўғри кетди, энди эса бизда Хави бор, у жуда зўр иш қилмоқда», - дея Педрининг сўзларидан иқтибос келтирмоқда La Vanguardia.
Роналд Куман “Барселона”ни 2020 йилнинг июнидан 2021 йилнинг октябригача бошқарган.
