«Ювентус» клуби Голландиянинг «Аз Алкмаар» клуби ҳимоячиси Оуэн Вейндалга қизиқиш билдирмоқда, деб хабар беради Calciomercato.
Турин клуби Оуэнни Алекс Сандрога ўринбосар футболчи сифатида кўрмоқда.
Жорий мавсумда футболчи Голландия олий дивизионида 24 та ўйин ўтказиб, 1 та гол ва 8 та голли узатмани амалга оширди. Трансфермаркт хабарига кўра, футболчининг трансфер нархи 12 миллион еврони ташкил қилади. Унинг «Алкмаар» билан шартномаси 2024 йилда якунига етади.