Уэйн Руни 14 ёшида «Манчестер Юнайтед»га ўтишни истамаган.
«Эвертон» тарбияланувчиси бўлган Уэйн 2002 йилда 16 ёшида Премьер-лигада дебют қилган, 2004 йилда эса «Манчестер Юнайтед» томонидан сотиб олинган.
“Сэр Алекс Фергюсон 14 ёшимда мен билан шартнома имзоламоқчи эди. У ота-онамга қўнғироқ қилди.
Улар менга: «Фергюсон қўнғироқ қилди, "Манчестер Юнайтед" сени ўз сафига қўшиб олишни истамоқда", - дейишди.
Кейин эса мен, унга айтинг, мен "Эвертон"да ўйнашни хоҳлайман деб, Фергюсонга ҳақоратли сўзларимни етказиб қўйишларини айтганман.
Кейин вақт ўтиши билан Фергюсон қўл остида ўйнашни хоҳлаётганимни англадим. У туфайли "Юнайтед"га бордим», - дея тан олди Руни.
Уэйн «Манчестер Юнайтед» билан 16 та соврин (2004-2017), жумладан, Чемпионлар лигаси ва 5 марта Премьер-лига чемпиони бўлган. У 559 ўйинда 253 та гол урган «Юнайтед» тарихидаги энг яхши тўпурар ҳисобланади.
