"Бавария" "Челси" сингари ҳимояда ўйнашга интилмайди. Лекин рақибни тўпсиз қолдиришнинг уддасидан чиқиши мумкин.
Кўп нарса, шунингдек, Роналдунинг индивидуал маҳоратига боғлиқ. У ўсди. Илгарилари Криштиану кучли жамоаларга карши "йўқолиб" қолган бўлса сунгги 2 йил ичида аксинча "Реал"нинг сеҳрли тайёқчасига айланди ва айнан муҳим учрашувларда унинг етакчилик маҳорати яққолрок намоён бўлмоқда.
Агар мюнхенликлар Роналду муаммосини ҳал этишса, ҳаттоки ютуққа эришишлари ҳам мумкин. Ўз навбатида "Бавария"да мезбонларни ранжитиши мумкин бўлган бир эмас бир неча футболчилар мавжуд: Рибери, Роббен, Олич каби футболчилар учун қайси рақиб билан ўйнашнинг аҳамияти йўқ.
Шундай экан, биз бугун икки ажойиб футбол мактаб вакиллари тўқнашуви гувоҳига айланамиз ва у кечаги ярим финалдан кўра анча қизиқ ўтиши аниқ. Мен плей-офф босқичига қуръа ташлангандаёқ " Челси"-"Бавария" финалини орзу қилганман. Унинг ярми амалга ошди. Балки бу кеча унинг иккинчи қисми ҳам рўёбга чиқар. Шунда бир оз бўлса ҳам "Реал" ва "Барселона" ҳақидаги жазавалардан қутулармидик…
Яна ким билади дейсиз…
Давлат ТУРДИАЛИЕВ,
"Спорт" телерадиоканали бош директори
