Москванинг «Динамо» клуби ва Россия терма жамоасининг ёш ярим ҳимоячиси Арсен Захарян фаолиятини Германия чемпионатида давом эттириши мумкин.
"РБ-Спорт" порталининг тарқатган хабарига кўра, 18 ёшли россиялик футболчи Леверкузеннинг «Байер» клуби қизиқишлари доирасига тушиб қолган. "Байер" клуби вакиллари ёш ярим ҳимоячини фаол кузатиб боришмоқда ва аллақачон Захаряннинг агентлари билан алоқага чиқишган.
Эслатиб ўтамиз, россиялик дарвозабон Андрей Лунёв ҳам ҳозирда «Байер»да тўп сурмоқда.
Жорий мавсумда Арсен Захарян Россия чемпионатида 21 та ўйин ўтказди. «Кўк-оқлар» ярим ҳимоячиси бешта гол урди ва бешта голли узатмани амалга оширди.
