Германиянинг «Бавария» клуби футболчиси Серж Гнабри немис клуби билан янги шартнома борасида келиша олмаяпти, деб хабар беради Kicker нашри.

Манбага кўра, томонлар бир неча ойдан бери музокара олиб боришган, бироқ улар ҳалигача ижобий натижага эриша олишмаяпти. Агар томонлар келиша олмаса, у ҳолда «Бавария» футболчини жорий мавсум охирида сотиш юбориши мумкин. Хабарларга кўра, Гнабри бонуслардан ташқари йилига 15 миллион евро ишлаб олмоқчи.

Эслатиб ўтамиз, Гнабри 2017 йилда «Вердер»дан «Бавария»га кўчиб ўтган, шундан сўнг у «Хоффенхайм»да бир йил ижарада ўйнаган. Футболчининг мюнхенликлар клуби билан шартномаси 2023 йилнинг июнига қадар мўлжалланган. Transfermarkt порталининг маълумотларига кўра, футболчининг трансфер нархи 70 миллион еврони ташкил этади.

Таъкидлаш жоизки, Гнабри «Арсенал» тарбияланувчиси саналади ва 2013 йилдан 2016 йилгача «канонирлар» таркибида ўйнаган.