Франциянинг «ПСЖ» клуби «Севилья» марказий ҳимоячиси Жюл Кундени сотиб олмоқчи.
23 ёшли футболчини «Реал», «Барселона», «Манчестер Юнайтед», «Ливерпуль» ва «Челси» ўз сафига қўшиб олишни хоҳламоқда. Fichajes нашрининг маълумотларига кўра, «ПСЖ» Кунде учун янги даъвогарга айланди.
Қайд этилишича, парижликларнинг ёзги трансфер ойнасидаги устувор вазифаси ҳужум чизиғини кучайтириш бўлади, бироқ Серхио Рамоснинг жароҳатлар билан боғлиқ доимий муаммолари клубни ҳимоясини кучайтиришга мажбур қилиши мумкин.
Transfermarkt портали Жюл Кундени 60 миллион еврога баҳоламоқда. Футболчи жорий мавсумда «Севилья» сафида 35 та ўйин ўтказган.
