Олий лига 6-туридан ўрин олган «Локомотив» ва «Пахтакор» клублари иштирокидаги пойтахт дербиси «темирйўлчилар»нинг ТТЗ даҳасида жойлашган янги уй аренасида бўлиб ўтиши ҳақида маълум қилинганди. Бугун 17:00да старт оладиган беллашув одатдагидек Тошкент темирйўл муҳандислиги институтига қарашли стадионда ўтказилади.
Қайд этиш керак, ҳозирга қадар «Локомотив» ва «Пахтакор» клублари миллий чемпионат доирасида ўзаро 14 марта майдонга тушишган. Шуларнинг 11тасида «пахтакорчилар»нинг қўли баланд келган бўлса, қолган 3та ўйинда ғолиб жамоа аниқланмаган. 11та ғалабанинг 5таси йирик ҳисобда эканини қайд этиш ўринли. Тўплар нисбати – 41:9, табиийки, «Пахтакор» фойдасига.
