«Ювентус» бош мураббийи Массимилиано Аллегри «Манчестер Сити» бош мураббийи Хосеп Гвардиола ҳақида фикр билдирди.
“Яхши ўйиш кўрсатиш ёки натижага эришиш? Яхши ўйин, қизиқарли! Гвардиола - ажойиб мураббий, лекин у нима қилди? Ҳамма таркибни орқадан қуришни хоҳлайди деб ўйлайди, лекин у узоқ пасларни амалга оширувчи ва тўпни 80 метрга узатадиган дарвозабон билан шартнома имзолади», - деди Аллегри.
Аллегри, шунингдек, мавсум боши ва охиридаги ўйинларга ёндашувни солиштирди.
“Асосийси ўйинларда ғалаба қозониш. Ҳамма ўйинлар бир хил эмас. Сентябр ойидаги ўйинлар март ойидаги каби кескинлик ва хотиржамлик билан ўтмайди. Тўп кичикроқ ва оғирроқ бўлиб қолади. Бизга камроқ тактика, кўпроқ универсаллик ва прагматизм керак», - деди Аллегри.
