Туркияда старт олган дзюдо бўйича “Катта дубулға” мусобақасининг биринчи куни терма жамоамиз учун муваффақиятли ўтди. Кечки дастурда ҳамюртимиз Сардор Нуриллаев (-66 кг) ҳам бронза медали учун баҳсда ғалаба қозонди.
Мўғилистонлик тажрибаси Басху Ёндонперенлеига қарши татамига чиққан Сардор оғритиш усули билан рақибини муддатидан аввал мағлубиятга учратишга муваффақ бўлди. Шу тариқа у ўз ҳисобига 500 рейтинг очкосини қўшиб қўйиш баробарида делегациямиз ҳисобига мусобақадаги учинчи медални тақдим қилди.
Эртага ўрта вазн тоифасида беллашадиган ҳамюртларимизга ҳам омад тилаб қоламиз.
