Бельгия терма жамоаси бош мураббийи Роберто Мартинес Жаҳон чемпионати гуруҳ босқичи учун бўлиб ўтган қуръа натижаларидан мамнун.

Бельгияликларнинг гуруҳдаги рақиблари Канада, Марокаш ва Хорватия терма жамоалари бўлди.

“F гуруҳига тушганимиздан хурсандман, чунки бу бизга турнирни кейинроқ бошлаш ва яхшироқ тайёрланиш имконини беради. Марокаш терма жамоаси билан бизда алоҳида алоқа бор: бизнинг собиқ футболчиларимиз - Маруан Феллайни ва Носер Шадлиларнинг томирида шу мамлакат қони оқиб туради.

Канада ажойиб саралаш босқичини ўтказди ва биз Хорватия терма жамоасини жуда яхши биламиз - улар бекорга амалдаги Жаҳон вице-чемпионлари эмас», - деди Мартинес Бельгия футбол ассоциацияси расмий сайтига.