"ПСЖ" ҳимоячиси Серхио Рамос 2022 йилнинг ёзида жамоани тарк этиши мумкин. RMC Sport хабарига кўра, клуб бу борада якуний қарорни мавсум якунланганидан кейин қабул қилади.
36 ёшли испанияликнинг ўзи Париж жамоасида қолишни истайди. Бироқ клуб раҳбарияти футболчининг саломатлиги ва жисмоний ҳолатидан жиддий ташвишга тушмоқда.
Аввалроқ "Лос-Анжелес Гэлакси" Рамоснинг атрофидагилар билан алоқага чиққани, унинг "ПСЖ" билан шартномаси 2023 йилнинг ёзига қадар мўлжаллангани ҳақида хабар берилганди.
Жорий мавсумда “Реал”дан текинга “ПСЖ”га ўтган футболчи Франция клуби сафида барча мусобақаларда бор-йўғи 5 та ўйинда майдонга тушди ва битта гол урди.
