Лондоннинг «Тоттенхэм» клуби «Челси» ҳимоячиси Антонио Рюдигерни қўлга киритиш фикридан қайтди
Football Insider нашри хабарига кўра, «шпорлар» «аристократлар»нинг марказий ҳимоячиси Рюдигер билан текинга шартнома имзолаш фикридан воз кечган. Клуб германияликнинг талабларини бажара олмасликларини тушунади ва шу сабаб фикридан қайтган. Худди шу сабабга, аниқроғи молиявий талабларнинг юқорилигига кўра, «Челси» ҳам Германия терма жамоаси футболчиси билан хайрлашишга яқин турибди.
Маълумот ўрнида, Рюдигер ушбу мавсум Томас Тухель жамоаси сафида 27 учрашувда майдонга тушиб, 3 гол муаллифига айланган.
