«Барселона» президенти Жоан Лапорта каталонияликлар ушбу мавсумда Ла Лигада чемпионлик учун кураш олиб боришига ишонмоқда.

«Ишончим комилки, биз чемпион бўла оламиз. Биз мавсумнияхши кайфиятда якунай олишимизга ишончим комил. Буни оддий далиллар билан исботлашим мумкин: ҳозир бизда жуда кучли жамоа бор, клуб тўлиқ куч билан ўйнай бошлади, бизда аниқ ғояларга эга ва ўзимизнинг ҳақиқий футбол услубимизни ўйнатаиган мураббий бор, биз қадриятларимизни тикладик.

Бу осон бўлмайди, лекин буни амалга ошириш мумкин. Лекин Ла Лигада ғалаба қозониш учун ҳар ўйиндан кейин ғалаба қозонишимиз керак», - дея Лапортанинг сўзларини келтиради АS.

Каталонияликлар айни пайтда 54 очко билан турнир жадвалида 4-ўринда кетмоқда, пешқадам «Реал»да эса 69 очко бор.