Англиянинг "Манчестер Сити" клуби бош мураббийи Роберто Манчини агар жамоага битта футболчи керак бўлса, у албатта Уэйн Рунини танлашини таъкидлаб ўтди.
Маълумки, 2010 йилда "Юнайтед"дагилар билан келиша олмай қолган Уэйн Руни "Олд Траффорд"ни тарк этишга яқин турганди. Ўшанда футболчининг "Сити" таркибига бориб қўлиши борасида гап-сўзлар тарқатилганди.
Бироқ орадан кўп ўтмай, футболчи яна можароли вазиятни ҳал қилган ва "МЮ" билан амалдаги шартномасини узайтирганди. Манчини бунақа футболчини ҳеч қандай саволларсиз сотиб олишга тайёр бўлганини таъкидллаган.
"Агар фақат битта футболчини танла, дейишса мен Рунини танлаган бўлардим. У ҳақиқий чемпион", дейди Манчини.
"Мен шунингдек, Райан Гиггзни танлашим ҳам мумкин эди. Фақат унинг бундан 5-6 йил олдинги спорт формасида бўлганида", дея интервью берди Манчини "Франс Футбол" ҳафтаномасига.