«Милан» ҳужумчиси Златан Ибраҳимович, агар «россонерилар» клуби Италия чемпионлигини қўлга киритса, фаолиятини якунлаши мумкин, деб хабар беради La Gazzetta dello Sport.

40 ёшли шведнинг «Милан» билан шартномаси 2022 йилнинг ёзида якунига етади ва янги битим борасида музокаралар ҳали бошланмаган. Ибраҳимовичнинг қарорига қарамай, миланликлар келаси мавсум учун янги ҳужумчи қидирмоқда.

Агар Ибраҳимович фаолиятини давом эттирмоқчи бўлса, клуб унга камроқ маош таклиф қилади. Амалдаги шартномага кўра, ҳужумчи йилига 7 миллион еврога яқин маош олади.

23 йиллик фаолияти давомида Ибрагимович 559 та гол урган.

2021/22 йилги мавсумда форвард «Милан» сафида 23 та ўйин ўтказиб, 8 та гол урган.

А сериянинг 31-туридан кейин Милан клуби 67 очко билан турнир жадвалида биринчи ўринда бормоқда.