«Аякс»нинг 19 ёшли ҳужумкор ярим ҳимоячиси Райан Гравенберг «Бавария» клубига кўчибга ўтишга яқин турибди. Бу ҳақда немис матбуоти хабар бермоқда.
Гравенберг Мюнхенга кўчиб ўтишга рози бўлган эди. Ҳозир «Бавария» «Аякс» раҳбарияти билан футболчи учун товон пули миқдорини муҳокама қилмоқда. Битим суммаси 25-35 миллион еврони ташкил қилиши кутилмоқда.
Қўшимча қиламизки, Гравенбергнинг «Аякс» билан шартномаси 2023 йилнинг ёзига қадар амал қилади. Унга «Бавария»дан ташқари «Реал» ҳам даъво қилмоқда.