Ўзбекистон Олий Лигасининг 6-турида кетма-кет учрашувларда дурнаглар қайд этилганди. турнинг сўнгги учрашувида "Андижон" футболчилари ғалаба қозонишди.
Дастлабки бўлимда майдонда кучли жала ёғиши ўйин сифатига таъсир қилди. Буям етмагандек 15-дақиқадан бошлаб кучли дўл остида учрашув давом этди. Натижада биринчи бўлимда айтарли жиддий вазиятлар содир этилмади.
Иккинчи бўлимда "Андижон" ўйинида жонланиш кузатилди ва бу ўйин сўнггига бориб ўз самарасини берди.
Учрашувнинг 87-дақиқасида чамаси 35 метрдан Азиз Ғуломхўжаев кутилмаганда зарба берди. Дарвозабон бу зарбани аранг бартараф этди. Қайтган тўпга биринчи бўлиб етиб келган Фарход Тохиров боши билан Элдор Исабоев дарвозасини аниқ нишонга олди.
Ушбу ўйинда ягоналигини сақлаб қолди ва мезбонлар муҳим уч очкони қўлга киритишди.
ЎзПФЛ
6-тур
АНДИЖОН – НЕФТЧИ 1:0 (0:0)
Гол: Фарҳод Тоҳиров (87).
АНДИЖОН: Лочин Долимов, Азиз Ғуломхўжаев, Иброҳим Отахонов (Расул Раҳмонов, 67), Бахром Абдурахимов, Владимир Шишелов, Азиз Жўраев, Рустам Аъзамов (Фарҳод Тоҳиров, 63), Мақсуд Хаитов, Икром Иброҳимов, Илдар Маматказин, Ислом Аҳмедов (Акбар Хўжаев, 27).
НЕФТЧИ: Элдор Исабоев, Шукурали Пўлатов, Ойбек Нурбоев, Шавкат Насибуллаев, Бахтиёр Ёқубов, Мансур Саидов, Павел Смоляченко, Анвар Бердиев (Отабек Исроилов, 64), Сардор Мирзаев, Иқбол Акрамов, Дилёрбек Эрматов.
Огоҳлантиришлар: Иброҳим Отахонов (17) - Мансур Саидов (11), Бахтиёр Ёқубов (80)
Ҳакамлар: Р. Эрматов (Тошкент), А. Расулов (Тошкент), Ж. Саидов (Тошкент), А. Эргашев (Тошкент).
Назоратчи: С. Нажафалиев (Тошкент).
Ушбу ғалаба "Андижон"нинг мавсум бошидан буён қўлга киритган илк ғалабасига айланди ва олтинчи турга келиб Лигада ғалаба қозонмаган жамоанинг ўзи қолмади. 6-турдан кейин турнир жадвали қуйидагича кўриниш олди.
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Насаф | 5 | 3 | 2 | 0 | 7-0 | 11 |
| 2 | Бунёдкор | 6 | 3 | 2 | 1 | 11-6 | 11 |
| 3 | Шўртан | 6 | 3 | 1 | 2 | 9-7 | 10 |
| 4 | Пахтакор | 5 | 2 | 3 | 0 | 3-1 | 9 |
| 5 | Металлург | 6 | 2 | 2 | 2 | 6-7 | 8 |
| 6 | Машъал | 6 | 2 | 2 | 2 | 5-6 | 8 |
| 7 | Динамо | 6 | 2 | 1 | 3 | 6-5 | 7 |
| 8 | Олмалиқ | 6 | 1 | 4 | 1 | 7-7 | 7 |
| 9 | Қизилқум | 6 | 1 | 4 | 1 | 6-6 | 7 |
| 10 | Локомотив | 6 | 1 | 3 | 2 | 6-6 | 6 |
| 11 | Навбаҳор | 6 | 1 | 3 | 2 | 3-8 | 6 |
| 12 | Нефтчи | 4 | 1 | 2 | 1 | 2-2 | 5 |
| 13 | Бухоро | 6 | 1 | 2 | 3 | 4-6 | 5 |
| 14 | Андижон | 6 | 1 | 1 | 4 | 5-13 | 4 |
