6 апрель, чоршанба куни Чемпионлар лигасининг биринчи чорак финалидан ўрин олган «Челси» – «Реал» учрашуви бўлиб ўтди. Учрашув 3:1 ҳисобида мадридликларнинг ғалабаси билан якунланди.

Мадридликлар сафидаги голлар 21, 24 ва 46-дақиқаларда Карим Бензема томонидан киритилди ва француз ҳужумчиси бу баҳсда ҳам хет-трик муаллифига айланди.

Жорий мавсумда Бензема «Реал» сафида 37 та, Франция терма жамоаси сафида эса яна 5 та гол урди. Шу тариқа, Бензема фаолиятида илк бор бир мавсумда 40 ва ундан ортиқ гол урди.