«Аталанта» бош мураббийи Жан Пьеро Гасперини жамоасининг «Лейпциг» билан Европа лигаси 1/4 финалидаги бўлажак учрашуви ҳақида фикр билдирди.

«Биз тайёрмиз. Олдинда бизни фантастик формага эга бўлган ва ажойиб футбол кўрсатаётган жиддий рақиб кутиб турибди. Бундай турнирда қанчалик узоққа борсангиз, шунчалик қийин бўлади. Бизнинг вазифамиз максимал даражада беришдир. «Лейпциг»да мавсум бошланиши ғалати ўтди. Бугун у бутунлай бошқача жамоа. Улар Бундеслигада «Байер»га яқинлашиб олишди. Улар Тедеско қўл остида улкан амбицияларга эга жамоага айланди», - дейди Гасперини.