«Сассуоло» бош директори Жованни Карневали «яшил-қоралар» ҳужумчиси Доменико Берардининг келажакдаги карьераси ҳақидаги фикри билан ўртоқлашди.
«Берарди биринчи марта бир йил олдин кетишни хоҳлаганди, аммо «Фиорентина» таклифи ҳам кўриб чиқилмади. Берарди «Милан» учун мукаммал футболчи бўларди. Агар мен А сериянинг топ-клубининг директори бўлганимда, у мен шартнома имзолаган биринчи футболчи бўларди», - дейди Карневали.
27 ёшли Берарди «Сассуоло» тарбияланувчиси ҳисобланади. 2013 йилдан 2015 йилгача Доменико «Ювентус»га тегишли эди. Берарди Италия терма жамоаси билан 2021 йилда Европа чемпионига айланди.
Футболчининг «Сассуоло» билан шартномаси 2024 йилнинг ёзига қадар мўлжалланган. Трансфермаркт футболчини 35 миллион еврога баҳоламоқда.
