Мадриднинг “Атлетико” клуби ҳужумчиси Луис Суарес фаолиятини Туркия чемпионатида давом эттириши мумкин. Бу ҳақда AS хабар бермоқда.
Манбага кўра, 35 ёшли уругвайлик футболчига “Бешиктош” ва “Фенербахче” клублари қизиқиш билдирмоқда. Улар аллақачон ҳужумчининг атрофидагилар билан алоқага чиқишган.
Эслатиб ўтамиз, Суарес 2020 йилдан буён "Атлетико Мадрид" сафида ҳаракат қилиб келмоқда.
Жорий мавсумда ҳужумчи "матрасчилар"нинг 29 та ўйинида қатнашиб, 11 та гол урди ва 2 та голга ассистентлик қилди.
Transfermarkt Суареснинг бозор нархини 10 миллион еврога баҳолаган. Унинг испан клуби билан шартномаси мавсум охирида якунига этади.
