«Манчестер Юнайтед»нинг тажрибали португалиялик ҳужумчиси Криштиану Роналду «Эвертон»га қарши бўлиб ўтадиган АПЛ доирасидаги ўйинда жамоасига ёрдам бера олади.
«Қизил иблислар» устози Ральф Рангник журналистларга маълум қилишича, 37 ёшли португалиялик футболчи сафга қайтди ва «Эвертон» билан ўйинда манкунианликларга ёрдам бера олади. Эслатиб ўтамиз, Роналду касаллиги туфайли «Лестер» билан сўнгги учрашувни ўтказиб юборган эди.
Жорий мавсумда Криштиану Роналду Англия чемпионатида 24 та ўйин ўтказиб, 12 та гол ва 3 та голли узатмага муаллифлик қилган.
