«Ювентус» ёзги трансфер ойнасида ярим ҳимоячи Адриен Рабьони сотишни режалаштирмоқда, деб хабар беради Football Italia.
Манбага кўра, Турин клуби марказий ярим ҳимоя чизиғини кучайтирмоқчи ва Поль Погба («Манчестер Юнайтед») ёки Сергей Милинкович-Савич («Лацио») билан шартнома имзоламоқчи. «Ювентус» жамоада жой бўшатиш ва маошни камайтириш учун Рабьони сотиш ниятида.
2021/22 йилги мавсумда Рабьо «Ювентус» сафида 37 та ўйинда майдонга тушиб, 3 та голли узатмани амалга оширган. Трансфермаркт портали 27 ёшли франциялик футболчининг нархини 18 миллион еврога баҳоламоқда.
