"МЮ" афсоналаридан бири Рио Фердинанд Маркус Рэшфорд ҳақида гапирди. У "МЮ"нинг сўнгги мағлубиятидан кейин шундай дейди:
"Мен ундан хавотирга туша бошладим. Биласизми, саҳна ортида нималар бўлаётганини билишни хоҳлардим. Эгилган елкалар ишончни ифода эта олмайди. Мен Рэшфорднинг энг яхши даврларини яхши эслайман. Ўша пайтда у 18-19 ёшли болакай эди ва ҳаммани ҳайратда қолдирган.
Менимча, унинг аҳволи клубдаги ноаниқликлар билан чамбарчас боғланган. Маркус клуб маҳсулоти ва "МЮ" учун жонини беришига ишонаман. Шу сабаб бу ҳолат футболчининг хоҳиши билан боғлиқ жараён деб ўйламайман".
