«ПСЖ» бош мураббийи Маурисио Почеттино Мбаппе-Месси-Неймар ҳужум учлиги ҳақида гапирди.
«Мавсум бошиданоқ айтгандим, бу учликнинг ўзига хос ўйинини яратиш учун вақт керак. Нафақат майдонда, балки кийиниш хонасида ҳам», - дейди Париж клуби бош мураббийи.
Кеча, 9 апрель куни «ПСЖ» сафарда «Клермон»ни 1:6 ҳисобида мағлуб этди. Парижликлар сафида Неймар ва Мбаппе хет-трик қайд этишган бўлса, Месси 3 марта жамоадошларини гол уришига имкон яратиб берди.
«ПСЖ» 31 турдан кейин 71 очко тўплади ва катта эҳтимол билан 2021/22 йилги мавсумда Франция чемпионига айланади.
