Испания Ла Лигасининг 31-турида "Леванте" ўз майдонида "Барселона"ни қабул қилди.

Тан олиш керак, майдон эгалари биринчи бўлимда "Барселона"га қараганда яхшироқ ўйин намойиш этишди. Бир қатор голли вазиятларни ҳам содир этишди. Лекин, учрашувнинг энг кулминацион нуқталари иккинчи бўлимда содир бўлди.

Иккинчи бўлим бошланиши билан олдинга ўтган майдон эгалари 52-дақиқада пенальти тепиш ҳуқуқини қўлга киритишди. Белгиланган 11 метрли жарима тўпини Моралес бехато бажарди - 1:0.

Орадан уч дақиқа ўтгач бош ҳакам яна "Барселона" дарвозасига пенальти белгилади. Бу сафар 11 метрли жарима зарбасини Рохера Марти амалга оширди, аммо тер Штеген уни қайтарди.

59-дақиқада Дембеленинг қанотдан ошириб берган тўпини Обамеянг рақиб дарвозасига аниқ йўллаб, мувозанатни тиклади - 1:1.

63-дақиқада эса захирадан майдонга тушган Педри ва Гавилар "Барселона"ни олдинга олиб чиқди: Гавининг ўнг қанотдан ошириб берган тўпини Педри тўхтатмасдан рақиб дарвозасига жойлаб қўйди - 1:2.

Беллашувнинг 83-дақиқада ҳакам яна меҳмонлар дарвозаси томон пенальти белгилади. Бу сафар Мелеро нуқтадан адашмади ва ҳисобни тенглаштирди.

Хави захирадан майдонга Адама Траоре ва Люк де Йонгларни туширди. Коронавирусга чалиниб, майдонга қайтган Люк де Йонг 90+3 - дақиқада рақиб дарвозасини боши билан аниқ нишонга олиб, "Барселона"га муҳим уч очкони олиб келди.

"Леванте" – "Барселона" 2:3

11 апрель, 00.00, «Сьюдад де Валенсия»

Голлар: 1:0 – 52, пенальти Моралес, 1:1 – 59 Обамеянг, 1:2 – 63 Педри, 2:2 – 83, пенальти Мелеро, 2:3 – 90 де Йонг.

"Леванте" – Карденас, Мирамон, Постиго, Везу (Кантеро, 76), Робер, Сон, Кампанья (Мелеро, 65), Радоя (Барди, 76), Пепелу, Моралес (Пубиль, 90), Рохер Марти (Дани Гомес, 65).

"Барселона" – тер Стеген, Дани Алвес (Лангле, 81), Араухо, Эрик Гарсия, Альба, Бускетс, де Йонг (Гави, 57), Нико Гонсалес (Педри, 56), Обамеянг (де Йонг, 84), Дембеле (Траоре, 84), Ферран Торрес.

Огоҳлантиришлар: Кампанья (11), Араухо (87).