«Барселона» бош мураббийи Хави Испания чемпионатининг 31-туридан ўрин олган «Леванте»га (3:2) қарши ўйиндаги ғалаба ҳақида ўз фикрлари билан ўртоқлашди.

“Биринчи бўлимда ўйинимиз умуман чиқмади. Жамоа ҳам руҳий, ҳам жисмонан чарчаган кўринди. Пайшанба кунги ўйин ўз таъсирини кўрсатди. Аммо биз иккинчи бўлимни анча яхши ўтказдик. Охиригача курашганимиз ва муваффақиятга ишонганимиз учун мақсадимизга эришдик. Люк де Йонгнинг голи бизга кўп нарса берди. У ажойиб футболчи ва бунга лойиқ.

Ўйин жуда қийин ва жуда кескин ўтди. Тўпни олдинга етказиб бериш муаммосини ҳал қила олмадик, аммо бу уч очко олтинга тенг. Бизнинг чемпионатимиз жуда қийин. «Реал» амалда ютқазмайди. Уларда ҳам худди биз каби қийин учрашувлар бор. Агар улар кейинги ўйинларда очко йўқотишса, балки кўпроқ нарсага ишонишимиз мумкин», - деди Хави Marca билан суҳбатда.