"Тоттенхэм" клуби "Лестер" ярим ҳимоячиси Жеймс Мэддисон учун курашга қўшилди, деб хабар беради The Sun.
Малумотларга кўра, "Тоттенхэм" ёзги ўзгаришларга тайёргарлик кўрмоқда. "Шпорлар" бош мураббийи Антонио Конте "Лестер" футболчисини узоқ вақтдан буён кузатиб келади. Бундан ташқари, футболчига "Арсенал" ҳам жиддий қизиқиш билдирмоқда.
Футболчи жорий мавсумда АПЛда 28 та ўйинда майдонга тушиб, 8 та гол урди ва 5 та голга ассистентлик қилди.
Transfermarkt портали хабарига кўра, футболчининг трансфер қиймати 50 миллион еврони ташкил қилади. Унинг "Лестер" билан шартномаси 2025 йилда якунига етади.
