"Tottenxem" klubi "Lester" yarim himoyachisi Jeyms Meddison uchun kurashga qo‘shildi, deb xabar beradi The Sun.

Malumotlarga ko‘ra, "Tottenxem" yozgi o‘zgarishlarga tayyorgarlik ko‘rmoqda. "Shporlar" bosh murabbiyi Antonio Konte "Lester" futbolchisini uzoq vaqtdan buyon kuzatib keladi. Bundan tashqari, futbolchiga "Arsenal" ham jiddiy qiziqish bildirmoqda.

Futbolchi joriy mavsumda APLda 28 ta o‘yinda maydonga tushib, 8 ta gol urdi va 5 ta golga assistentlik qildi.

Transfermarkt portali xabariga ko‘ra, futbolchining transfer qiymati 50 million yevroni tashkil qiladi. Uning "Lester" bilan shartnomasi 2025 yilda yakuniga yetadi.