«Астон Вилла» ярим ҳимоячиси Дуглас Луис ёзда «Арсенал»га ўтади, дея хабар беради Football Insider.
Манбага кўра, Лондон клуби раҳбарияти ҳужумчи сотиб олишни мақсад қилган. 23 ёшли ярим ҳимоячи жорий мавсум АПЛда 27 та ўйинда майдонга тушиб, 1 та гол ва 3 та голли узатмага муаллифлик қилган. Англияда у уч мавсумдан бери ўйнамоқда.
Футболчининг бирмингемликлар билан шартномаси 2023 йилнинг ёзига қадар тузилган. Трансфермаркт портали Бразилия терма жамоаси футболчисини 35 миллион еврога баҳолади.
Олдинроқ «Арсенал» «Лестер»нинг бельгиялик ярим ҳимоячиси Юри Тиелемансга қизиқиш билдираётгани ҳақида хабарлар тарқалган эди.
