«Aston Villa» yarim himoyachisi Duglas Luis yozda «Arsenal»ga o‘tadi, deya xabar beradi Football Insider.

Manbaga ko‘ra, London klubi rahbariyati hujumchi sotib olishni maqsad qilgan. 23 yoshli yarim himoyachi joriy mavsum APLda 27 ta o‘yinda maydonga tushib, 1 ta gol va 3 ta golli uzatmaga mualliflik qilgan. Angliyada u uch mavsumdan beri o‘ynamoqda.

Futbolchining birmingemliklar bilan shartnomasi 2023 yilning yoziga qadar tuzilgan. Transfermarkt portali Braziliya terma jamoasi futbolchisini 35 million yevroga baholadi.

Oldinroq «Arsenal» «Lester»ning belgiyalik yarim himoyachisi Yuri Tiyelemansga qiziqish bildirayotgani haqida xabarlar tarqalgan edi.