«Бавария» дарвозабони Мануэль Нойер ЕЧЛ чорак финалида «Вильярреал»га қарши жавоб ўйинидан олдинги фикрлари билан ўртоқлашди.
Жамоаларнинг Испаниядаги илк учрашуви Мюнхен клубининг 0:1 ҳисобидаги мағлубияти билан якунланган эди.
«Жамоамизда амбицияли футболчилар кўп. Биринчи ўйиндаги мағлубиятдан сўнг бизга енгил қарамаслик керак. Биз ҳали охиригача курашмоқчимиз.
«Вильярреал» — қарши ҳужумларда кучли жамоа. Биз ҳамма нарсага қодир эканимизни кўрсатмоқчимиз. Бизни трибуналардаги мухлисларимиз қўллаб-қувватлайди. Биринчи ўйинда мағлубиятга учраганимиздан кейин плей-оффда ўйнаш қандай эканини биламиз. Биз қўрқмаймиз», - дея Нойернинг сўзларини келтиради УЭЕА матбуот хизмати.
