Мадриднинг «Реал» клуби Килиан Мбаппе билан 2009 йилда Криштиану Роналду билан шартнома имзолагани каби битимни тузмоқчи эди, дея хабар беради журналист Жанлука Ди Марцио ўз сайтида.

Манбага кўра, португалияликнинг трансфери бўйича музокаралар чоғида нотариал тасдиқланган келишувда «МЮ» Роналдуни 96 миллион еврога сотиши, агар футболчи ёки Мадрид клуби бу келишувдан бош тортса, 30 миллион евро миқдорида жарима тўлаши айтилган. 

Килиан Мбаппенинг «ПСЖ»дан кетишига ишонч ҳосил қилиш учун «Реал» раҳбарияти ҳужумчи билан худди шундай шартнома тузмоқчи бўлди, бироқ француз уни имзолашдан бош тортди.

Жорий мавсумда Мбаппе «ПСЖ» сафида 27 та ўйинда майдонга тушиб, 17 та гол ва 13 та голли узатмани амалга оширди.