«Реал Мадрид» бош мураббийи Карло Анчелотти клуб билан ишлаш ўрнига терма жамоалардан бири билан ишлашни хоҳламаслигини айтди.
«Баъзида мен бу ҳақда ўйлардим. 2018 йилда Италия термасига мураббийлик қилиш имконига эга бўлдим, лекин мен буни ёқтирмайман. Мен кундалик ишни яхши кўраман. «Чип» ўзгармас экан, мен терма жамоага бормайман», - дея Анчелотти сўзларини келтиради журналист Жанлука Ди Марцио.
Анчелотти ўтган йили «Реал»ни бошқарган эди. Бунгача мутахассис 2013 йилдан 2015 йилгача Мадрид клубини бошқарган. Клубдаги биринчи мавсумида у «қаймоқранглилар»ни Чемпионлар лигасидаги 10чи ва 2002 йилдан бери биринчи чемпионликка олиб келди. 2015 йилда жамоани тарк этгач, Карло «Бавария» ва «Наполи»ни бошқарган, 2019 йилда эса «Эвертон»да ишлаган.
