«Бавария»нинг польшалик ҳужумчиси Роберт Левандовски фаолиятини Каталониянинг «Барселона» жамоасида давом эттирмоқчи.
Sky Sport Deutschland нашри хабарига кўра, 33 ёшли польшалик футболчи «Олтин тўп»ни қўлга киритиш имкониятини ошириш учун «Барселона»га ўтмоқчи. Қолаверса, Левандовски бутун фаолияти давомида ўзини Испания чемпионатида синаб кўрмоқчи эканлигини таъкидлаб келган.
Эслатиб ўтамиз, Каталония клуби Робертга йилига тахминан 40 миллион евро тўлашга тайёр.
Жорий мавсумда Роберт Левандовски Германия чемпионатида 29 та ўйин ўтказиб, 32 та гол урган.
