Англия терма жамоаси бош мураббийлигига асосий номзод бўлиб келган "Тоттенҳэм" бош мураббийи Харри Реднапп бу "пойга"да Рой Хожсонга имкониятни бой бергач, инглиз ОАВ унга дарҳол янги иш жойи "топиб беришди".
The Daily Mai нашрининг хабарига кўра, "Челси" хўжайини Роман Абрамович, Реднапп билан музокаралар столига ўтиришга тайёр экан.
Абрамович жаноблари Реднаппни "Челси"га бош мураббий қилиб олиб келиш нияти борлигини аввалроқ маълум қилганди. Аммо унинг Англия терма эамоасига бош мураббий этиб тайинланишини ўйлаб, бу фикридан воз кечганди.
Эндиликда, ёзда "Тоттенҳэм"дан кетиши аниқ бўлиб улгурган Ҳарри Реднапп келаси мавсумдан "Челси"ни бошқариши мумкин.
