Испаниянинг Fichajes нашри хабарига кўра, «Барселона» ёзги трансфер ойнасида «Ювентус» ҳимоячиси Маттиас де Лигтни қўлга киритиш учун 100 миллион евро сарфлаши керак.
Марказий ҳимоя чизиғини мустаҳкамлаш — «Барселона»нинг вазифаларидан бири, чунки Жерар Пике фаолиятининг якунлаш арафасида турибди. Бундан ташқари, Самуэль Умтити ва Клеман Ленгле «Камп Ноу»ни тарк этиши мумкин.
Аввалроқ Каталония клуби «Челси» ҳимоячиси Андреас Кристенсеннинг трансфери борасида деярли келишиб олгани ҳақида хабар берилганди. Бироқ, «Барселона» бошқа ҳимоячини сотиб олмоқчи, аммо «Ювентус» сўраган нарх жуда катта эканлиги сабабли бу хариддан воз кечиши мумкин.
