Туриннинг «Ювентус» жамоаси чап қаноти ҳимоя чизиғини кучайтириш устида ишламоқда. La Gazzetta dello Sport хабарига кўра, «кекса синьора» жорий мавсумда «Лион»да ижара асосида тўп сураётган «Челси» ҳимоячиси Эмерсон билан шартнома имзоламоқчи.
Қайд этилишича, келаси ёзда жамоани тарк этиши мумкин бўлган бразилиялик Алекс Сандронинг ўрнига Эмерсон «Ювентус» раҳбариятига маъқул вариант ҳисобланади.
Эслатиб ўтамиз, жорий қишда «Челси» ҳимоядаги кадрлар билан боғлиқ муаммо туфайли Эмерсонни «Лион»дан ортга қайтармоқчи эди, бироқ француз клуби футболчини 4 миллион евро товон пули сабаб қайтаришдан бош тортди.