«Атлетико» бош мураббийи Диего Симеоне Чемпионлар лигаси 1/4 финалида «Манчестер Сити»га қарши жавоб ўйини олдидан жамоа кескин ўзгармаслигини айтди.
«Манчестер Сити» рақибдан қатъий назар доим бир хил ўйнайди. Уларнинг ўрнатилган фалсафаси бор, улар мухлислар томонидан мамнуният билан қабул қилинади. Уларда ажойиб футболчилар ва ажойиб мураббий бор. Босим, тезкор қарши ҳужумлар ва биз қила оладиган барча нарсалар катта роль ўйнайди.
Биз одатдаги услубимиздан узоқлашмоқчи эмасмиз. Биз вазиятларни яратиш учун тўғри дақиқаларни топишимиз керак. Умид қиламанки, биз яхшироқ уйғунлаша оламиз, ҳимоядан ҳужумга тез ўтамиз», - деди Симеоне УЕФА расмий сайтига.
