ESPN нашри хабарига кўра, «Фламенго» 2021 йилнинг август ойида «Манчестер Юнайтед»дан ижарага олган ярим ҳимоячиси Андреас Перейрани сотиб олиш фикридан воз кечмоқчи.
Манба берган хабарга кўра, 26 ёшли бразилияликнинг ўйини «Фламенго» раҳбариятини келишувда кўрсатилган унинг трансфери учун 12 миллион фунт сарфлашга арзимайди деган фикрга келган.
Қайд этилишича, «Манчестер Юнайтед» ярим ҳимоячининг трансфер нархини пасайтириб, Бразилия клуби билан шартнома тузишга умид қилмоқда.
Шу билан бирга, Перейра «Фламенго»да қолиш учун маошини камайтиришга тайёр бўлишига қарамай, унинг инглиз клубига қайтиши эҳтимоли юқорироқ экани тахмин қилинмоқда.
Перейра жорий мавсумда «Фламенго» сафида 10 та ўйинда майдонга тушган.
