«Аталанта» «Интер» ҳимоячи Робин Госенсни сотиб олганини эълон қилди.
Январь ойида 27 ёшли германияликни ижарага олган Милан клуби футболчининг шартномасида сотиб олиш бандини фаоллаштирди.
«Аталанта» матбуот хизмати хабарига кўра, Госенс «Интер»га жами 25 миллион евро эвазига ўтган: 15 миллион евро трансфер нархи бўлса, яна 10 миллион евро эса турли бонуслар ҳисобланади.
Қанот ҳимоячиси «нерадзурри» сафига кўчиб ўтганидан бери бор-йўғи 6 та ўйинда майдонга тушди ва келганидан бироз вақт ўтиб тиззасидан жароҳат олди. Ҳозирда немис футболчиси лазаретда бўлиб турибди.
