Мадриднинг «Реал» клуби бош мураббийи Карло Анчелотти ЕЧЛ доирасида «Челси» жамоасига қарши бўлиб ўтган ўйин ҳақида фикр билдирди.

Мадридликлар 1/4 финалда умумий ҳисобда (3:1, 2:3) ғалаба қозонди ва ярим финалга йўл олди.

“Бироз хавотирланишимизга тўғри келди. Менимча, бизга гол уриш иштиёқи етишмади, чунки бунга эҳтиёж йўқ эди.

Рақибнинг иккинчи голи ноҳақ киритилди ва ҳисоб 0:3 бўлганидан кейин биз "очилдик" ҳамда ғалаба учун бор кучимизни бердик. Якунда эса муносиб ғалабани қўлга киритдик. Ҳисоб 0:3 бўлганидан кейин ўзимизни эркинроқ ҳис қилдик ва бу стадионнинг сеҳри, бу клубнинг сеҳри дунёга ўзини намоён қилди.

Испан клублари инглизларникидан пастроқ эканини айтишди. Икки испан клуби эса ярим финалга чиқди” - деди Анчелотти Movistar билан суҳбатда.