"Барселона" бош мураббийи Хави "Бавария" ҳужумчиси Роберт Левандовскининг Каталония клубига ўтиши мумкинлиги ҳақида гапирди.
"Роберт - ажойиб ўйинчи, аммо энди бор эътиборимизни Европа лигасидаги "Айнтрахт"га қарши ўйинга қаратишимиз керак. Бу мавзуни муҳокама қилиш учун тўғри вақт эмас", - дейди Хави.
Аввалроқ, жамоа устози полшалик ҳужумчини "Барселона"га ўтишга шахсан кўндиргани ҳақида хабар берилганди.
33 ёшли ҳужумчининг Мюнхен клуби билан шартномаси келаси ёзда якунига етади.
Жорий мавсумда Левандовски “Бавария” сафида барча турнирлар доирасида 41 та ўйинда майдонга тушиб, 47 та гол урди ва 4 та голга ассистентлик қилди.
