Мадриднинг "Реал" клуби бош мураббийи Жозе Моуриньо клуб раҳбариятидан Касильясга ўринбосар сифатида тажрибали дарвозабон олиб келишни сўраган эди. Маълумотларга қараганда, португалиялик мутахассис анчадан бери Касильяс билан рақобатлаша оладиган иккинчи дарвозабон жамоага кераклигини таъкидлаб келаётган эди.
Маrса нашрининг хабар беришича, мадридликлар Бременннинг "Вердер" клуби дарвозабони Тим Визе билан алоқага чиққанлар.
30 ёшли тажрибали дарвозабон келаси мавсумдан бошлаб фаолиятини айнан Мадрид клубида давом эттириши мумкин. Визе варианти Моуриньога ҳам маъқул келган.
Айни пайтда томонлар музокараларни бошлаб юборган.